/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Arestio dau ddyn ar ôl canfod corff dynes yn Abertawe

Leanne WilliamsHeddlu De Cymru

Cafodd Leanne Williams ei chanfod yn farw yn ei chartref brynhawn Iau

Mae dau ddyn wedi cael eu harestio ar ôl i gorff dynes 47 oed gael ei ddarganfod yn ei chartref yn Abertawe.

Cafodd Heddlu'r De eu galw i eiddo ar Ffordd Gomer yn ardal Townhill, Abertawe am tua 14:00 ddydd Iau.

Cafodd Leanne Williams ei darganfod yn farw ac roedd wedi dioddef anafiadau fyddai'n awgrymu y gallai fod rhywun wedi ymosod arni, meddai swyddogion.

Mae'r ddau ddyn yn cael eu cadw yn y ddalfa ac mae ymchwiliadau'r heddlu yn parhau.

Heddlu 'ddim yn chwilio am unrhyw un arall'

Dywedodd y ditectif uwch-arolygydd Mark O'Shea eu bod yn ceisio deall beth oedd symudiadau Ms Williams rhwng 18:00 ddydd Llun, Chwefror 24 a phrynhawn Iau.

"Mae'r newyddion ofnadwy yma wedi syfrdanu'r gymuned leol, ac wrth gwrs wedi llorio ei theulu - sydd yn derbyn cefnogaeth gan swyddogion arbenigol," meddai.

"Mae yna dim o swyddogion sy'n gweithio yn ddiflino fel rhan o'r ymchwiliad yma a gallaf gadarnhau bod dau ddyn yn y ddalfa mewn cysylltiad â'r digwyddiad yma, ac nad ydyn ni'n chwilio am unrhyw un arall ar hyn o bryd."

Mae'r heddlu yn apelio ar unrhyw un sydd â gwybodaeth neu luniau fideo all fod o ddefnydd i'r ymchwiliad i gysylltu â nhw.

Pynciau cysylltiedig

Straeon perthnasol