/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Gofal a gwaith: 'Mam a merch ydan ni, nid gofalwr a chlaf'

Rhian Mair Jones

Dywed Rhian Mair Jones bod gofalu am riant yn "anrhydedd" - ond mae yna heriau, yn enwedig os mae rhywun yn dal i weithio

Garry Owen
Gohebydd Arbennig BBC Radio Cymru

"Mae fy niwrnod i yn dechrau gyda'r ffôn. Y peth cynta bydda' i yn gwneud bob un bore yw edrych ar y ffôn a ffonio Mam i weld os yw hi yn iawn.

"Dwi'n siŵr gall nifer o bobl uniaethu gyda hyn achos ma'r alwad ffôn gynta yna yn y bore mor, mor bwysig."

Mae Rhian Mair Jones o Fryn-teg, Ynys Môn yn helpu i ofalu am ei mam, sy'n 88 oed ac yn byw tua dwy filltir i ffwrdd.

Mae Rhian yn gweithio fel tiwtor hunan-gyflogedig. Cyn hynny bu'n ddarlithydd, ond penderfynodd y byddai gweithio'n achlysurol yn rhoi mwy o hyblygrwydd iddi ddewis a threfnu ei horiau a gofalu am ei mam.

Amcangyfrifir bod 310,000 o ofalwyr di-dâl yng Nghymru - 10.5% o'r boblogaeth - ac mae nifer fawr o'r rheiny'n gofalu ac yn gweithio mewn swydd.