/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Luke Williams yn gadael ei rôl fel rheolwr Abertawe

Luke WilliamsGetty Images

Fe dreuliodd Luke Williams gyfnod gydag Abertawe fel is-reolwr i Russel Martin cyn cael ei benodi'n brif hyfforddwr

Mae Luke Williams wedi gadael ei swydd fel prif hyfforddwr Clwb Pêl-droed Abertawe yn dilyn cyfres o ganlyniadau siomedig.

Mae'r Elyrch wedi colli saith o'u naw gêm ddiwethaf ac wedi disgyn i'r 17eg safle yn y Bencampwriaeth ar ôl colli o 3-1 yn erbyn Stoke ddydd Sadwrn.

Cafodd Williams, 43, ei benodi yn brif hyfforddwr ym mis Ionawr 2024 ar ôl gadael Notts County.

Fe fydd yr hyfforddwyr cynorthwyol Ryan Hartley a George Lawtey hefyd yn gadael y clwb.

Mae Alan Sheehan wedi cael ei benodi yn rheolwr dros dro am yr eildro, gydag Abertawe yn dweud fod y broses o chwilio am olynydd i Williams "eisoes ar waith".

Dywedodd cadeirydd yr Elyrch, Andy Coleman: "Roedd hwn yn benderfyniad anodd... mae Luke wedi arwain y clwb drwy gyfnodau heriol ac ry'n ni'n gwerthfawrogi ei waith caled.

"Ond yn anffodus, ers y flwyddyn newydd dydi'r perfformiadau na'r canlyniadau wedi bod yn ddigon da ar gyfer y lefel yma."

Fe fydd Abertawe yn wynebu Blackburn Rovers yn eu gêm nesaf ar 27 Chwefror.

Pynciau cysylltiedig