/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Uwch Gynghrair Lloegr: Everton 1-0 Caerdydd

Victor CamarasaGetty Images

Mae Caerdydd yn parhau yn y tri isaf ar waelod yr Uwch Gynghrair wedi colled o 1-0 oddi cartref yn erbyn Everton.

Roedd yr hanner cyntaf yn dawel iawn ar y cyfan, gydag Everton yn rheoli'r meddiant ond ddim wir yn achosi unrhyw broblemau i Neil Etheridge yn y gôl.

Andre Gomes ddaeth agosaf i'r tîm cartref wedi iddo basio dau o amddiffynwyr Caerdydd cyn ergydio heibio'r postyn o ongl dynn.

Llwyddodd y tîm cartref i fynd ar y blaen wedi 59 munud ar ôl i ergyd Theo Walcott wyro i lwybr Gylfi Sigurdsson a darodd y bêl i mewn o wyth llath.

Victor Camarasa daeth agosaf i unioni'r sgôr gydag ergyd o bell ond fe wthiodd Jordan Pickford y bêl allan am gic gornel.

Roedd Caerdydd yn apelio am gic o'r smotyn ar ôl i Greg Cunningham gael ei dynnu lawr gan Seamus Coleman gyda deg munud yn weddill, ond roedd y dyfarnwr yn anghytuno gyda chwynion yr Adar Gleision.

Mae Caerdydd yn parhau yn yr 18 safle yn y tabl.

Straeon perthnasol