/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Croeso mawr i un o arwyr y Gemau Olympaidd Arbennig

Bleddyn GibbsLlychlynwyr Sir Benfro

Fe gyrhaeddodd Bleddyn yn ôl ym mhentref Thornton, ger Aberdaugleddau. nos Sadwrn

Mae codwr pwysau a enillodd bedair medal aur yn y Gemau Olympaidd Arbennig wedi cael croeso arbennig wrth ddychwelyd i'w bentref enedigol.

Roedd Bleddyn Gibbs, 18, o Sir Benfro yn cystadlu yng Ngemau'r Byd ym Merlin.

Fe gyrhaeddodd yn ôl ym mhentref Thornton, ger Aberdaugleddau. nos Sadwrn i gymeradwyaeth torf o bobl oedd yno i'w longyfarch.

Cyn mynd allan i Berlin, dywedodd mai ei freuddwyd oedd dod yn ôl i Gymru gyda medal aur, a dyna'n union a wnaeth.

Gan gynrychioli Tîm Prydain Fawr, fe gododd 140kg yn y sgwat, 75 yn y bench press a 150 wrth godi pwysau marw (deadlift).

Roedd yna lwyddiant hefyd yn y gemau i Ethan Orton o Aberhonddu - fe gipiodd e fedal arian yn nyblau cymysg bton gyda'i bartner Briony Johnson o Groesoswallt.

'Pawb mor falch'

Roedd Andrew Meddings o Lychlynwyr Sir Benfro, sef y tîm rygbi gallu cymysg mae Bleddyn yn ei gapteinio, wedi helpu i drefnu'r croeso.

Dywedodd fod Bleddyn, sydd â Syndrom Down, wedi gwneud Cymru gyfan yn falch ohono.

Y dorf yn ThorntonLlychlynwyr Sir Benfro

Roedd torf mawr i groesawu Bleddyn adref

"Mae pawb mor falch o'i gyflawniadau ac yn teimlo ei fod yn haeddu dod adref," meddai.

"Roedd cefnogwyr ar hyd y stryd, roedd pawb mor falch o'i fuddugoliaeth a cafodd llawer o ddagrau eu colli."

Roedd Heddlu Dyfed Powys wedi ei hebrwng adref ac ar neges ar Twitter dywedodd y llu ei fod yn "anrhydedd" iddyn nhw wneud hynny.

"Da iawn Bleddyn - camp anhygoel… mae Aberdaugleddau i gyd yn falch ohonoch chi."

Bleddyn Gibbs a'i dadStrength Academy Wales

Dywedodd ei dad, Steffan, fod Bleddyn 'wedi canfod ei gamp'

Yn siarad gyda'r BBC, dywedodd Bleddyn ei fod wedi "torri fewn i ddagrau".

Dywedodd ei Dad, Steffan, ei fod yn falch fod Bleddyn yn dilyn yn ei olion traed.

"Rwyf wedi codi pwysau trwy chwarae rygbi a bod yn y fyddin, felly mae gen i ddiddordeb erioed," meddai.

"Mae gennym rac sgwat yn y garej a dyna lle dechreuodd pethau. Mae'n hyfforddi 3-4 gwaith yr wythnos nawr.

"Maen nhw'n siarad am bobl yn dod o hyd i'w camp ac mae wedi canfod ei gamp 100% mewn codi pwysau.

Mark Drakeford yn cyfarfod athletwyr

Fe wnaeth aelodau Cymreig y garfan gwrdd â'r Prif Weinidog Mark Drakeford wrth baratoi i gystadlu yn Yr Almaen

"Mae'r digwyddiad yma yn rhyfeddol.

"Mae'n gyfartal â'r Gemau Paralympaidd a'r Gemau Olympaidd prif ffrwd ac ni ddylai fod yn wahanol."

Y Gemau Olympaidd Arbennig yw un o ddigwyddiadau chwaraeon mwyaf y byd eleni gyda 7,000 o gystadleuwyr o bron i 200 o wledydd.

Pynciau cysylltiedig

Straeon perthnasol