/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Cwmni inswleiddio i greu 140 o swyddi newydd yn y gogledd

deunydd inswleiddioGetty Images

Mae disgwyl i'r datblygiad greu tua 140 o swyddi uniongyrchol, a mwy mewn cadwyni cyflenwi lleol

Mae disgwyl i thua 140 o swyddi newydd gael eu creu yn sgil buddsoddiad mewn cyfleuster gweithgynhyrchu yn y gogledd ddwyrain.

Mae cwmni Knauf Insulation wedi datgelu cynlluniau i wario £170m i ddatblygu safle yn ardal Shotton, Sir y Fflint.

Gobaith Knauf yw y bydd modd cynhyrchu dros 100,000 o dunelli o ddeunydd inswleiddio anllosgadwy ar y safle bob blwyddyn.

Dywedodd Ysgrifennydd Cymru, Jo Stevens fod y cyhoeddiad yn "newyddion gwych i ogledd Cymru ac i genhadaeth Llywodraeth y DU i sbarduno twf economaidd".

"Dyma bleidlais o hyder yn economi Cymru ac yng nghynllun ein llywodraeth i wneud Prydain yn gyrchfan y bydd pobl yn dewis troi ati i fuddsoddi mewn diwydiant," meddai mewn datganiad.

Yn ôl Neil Hargreaves, Rheolwr Gyfarwyddwr Knauf Insulation Gogledd Ewrop, "mae gan y Knauf Group hanes balch o weithgynhyrchu yng Nghymru".

"Gan ddefnyddio'r dechnoleg Ffwrnais Arc Suddedig gyntaf o'i math yn y DU, bydd y ffatri newydd yn cynhyrchu deunydd inswleiddio wedi'i wneud o wlân mwynol sy'n ailgylchadwy, yn garbon isel ac yn anllosgadwy i gefnogi'r angen am adeiladau mwy diogel, mwy ynni effeithlon a chynaliadwy," ychwanegodd.

Pynciau cysylltiedig

Straeon perthnasol