/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Pump yn yr ysbyty ar ôl tân mewn llety myfyrwyr

Tŷ DdewiGoogle

Roedd yn rhaid i rai gael eu hachub drwy ffenestri'r llawr gwaelod, yn ôl y gwasanaeth tân

Mae pum person yn cael triniaeth ysbyty ar ôl tân mewn llety myfyrwyr yn Abertawe.

Cafodd y gwasanaethau brys eu galw i bloc Tŷ Ddewi yng nghanol y ddinas toc wedi 19:00 nos Lun.

Roedd yn rhaid i dros 100 o bobl adael yr adeilad, yn ôl y gwasanaeth tân.

Ychwanegon nhw bod angen achub tri myfyriwr drwy ffenestri'r llawr gwaelod ble gychwynnodd y tân - ni ledodd y tân ymhellach na'r llawr gwaelod.

Cafodd y pedwar myfyriwr ac un aelod o staff eu cludo i'r ysbyty yn sgil mân anafiadau ac effeithiau anadlu mwg.

Cafodd naw criw tân eu galw i'r safle ac roedd y tân wedi ei ddiffodd erbyn 21:02.

Dywedodd llefarydd ar ran Student Roost, sy'n rhedeg llety Tŷ Ddewi, fod pawb yn y fflatiau "wedi'u hadleoli naill ai mewn lle arall ym mloc Tŷ Ddewi neu lety myfyrwyr lleol".

Bydd ymchwiliad tân yn cael ei gynnal yn ystod y diwrnodau nesaf, meddai Gwasanaeth Tân ac Achub Canolbarth a Gorllewin Cymru.

Pynciau cysylltiedig