/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Porthladd Caergybi i ailagor yn llawn ddechrau Gorffennaf

porthladd

Mae cau'r porthladd wedi effeithio ar drefniadau miloedd o deithwyr

Mae disgwyl i borthladd Caergybi ailagor yn llawn ar 1 Gorffennaf ar ôl i rannau ohono gael eu difrodi gan Storm Darragh ddechrau Rhagfyr.

Cafodd dwy angorfa y porthladd, sy'n cysylltu gogledd Cymru â Dulyn, eu difrodi ar 7 Rhagfyr ac fe wnaeth un ohonynt ailagor ar 15 Ionawr.

Mae cau'r porthladd wedi effeithio ar drefniadau miloedd o deithwyr, cludo nwyddau a busnesau Caergybi.

Ddydd Llun fe ddaeth cadarnhad bod cynlluniau ar y gweill i drwsio angorfa Terfynfa 3, a'r gobaith yw y bydd y gwaith wedi gorffen erbyn dechrau Gorffennaf 2025.

porthladdChris Willz Photography

Fe agorodd un terfynfa ganol Ionawr

Ers y storm mae cwmnïau Stena Line ac Irish Ferries wedi bod yn hwylio o un safle, yn hytrach na'r ddau arferol.

Dywed busnesau yng Nghaergybi eu bod wedi gweld cwymp enfawr yn nifer yr ymwelwyr ers cau'r porthladd.

Fel arfer mae tua dwy filiwn o deithwyr yn teithio trwy'r porthladd bob blwyddyn.

Dywedodd llefarydd ar ran cwmni Stena Line: "Mae gwaith yn mynd rhagddo i sicrhau bod yr angorfa yn dychwelyd i alluoedd gweithredu llawn mor ddiogel ac effeithlon â phosib."

Ychwanegodd bod y cwmni yn parhau i fod yn ymrwymedig i "wydnwch hirdymor" Porthladd Caergybi a'i ddyfodol cynaliadwy.

Pynciau cysylltiedig

Straeon perthnasol