/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

'Pwysig iawn bod yr Eisteddfod wedi dod i'r ardal yma'

Mae Bronwen Lewis yn dweud eu bod hi'n "bwysig iawn bod Eisteddfod yr Urdd wedi dod i ardal Castell-nedd Port Talbot".

A hithau'n Llywydd y Dydd ddydd Mercher, dywedodd y gantores o Ddowlais ei bod yn "sbesial iawn" gweld pobl yr ardal yn defnyddio eu Cymraeg.

Ychwanegodd ei bod yn "freuddwyd yn dod yn wir" cael cyfansoddi Cân y Croeso gyda Huw Chiswell, a "bydd Mam-gu yn proud tu hwnt!"

Eleni mae 36 ysgol cyfrwng Saesneg wedi cymryd rhan yn yr Eisteddfod, ac mae cynnydd o 42% yn nifer y cystadleuwyr sy'n ddysgwyr, rhywbeth y mae Bronwen Lewis yn ei groesawu'n fawr.

Roedd o'r farn bod yr Eisteddfod wedi esblygu dros y blynyddoedd a bod yr ŵyl bellach yn fwy agored i'r dysgwyr a'r di-Gymraeg.

Wrth sôn am y cyfnod pan oedd ei rhieni yn dysgu Cymraeg, dywedodd nad oedden nhw'n teimlo fel eu bod yn "ffitio i mewn" pan oedden nhw'n dod i'r Eisteddfod, ond bod hynny wedi newid yn llwyr erbyn hyn.

"Maen nhw'n gallu gweld cymaint o wahaniaeth."

"Mae'r Urdd yn moderneiddio, yn bod yn fwy agored, gyda drysau llydan i ddysgwyr, a dyna sy'n cryfhau'r iaith," meddai.