/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Honni 'agwedd anonest' Rhys Webb

Rhys WebbGetty Images

Y tro diwethaf i Rhys Webb chwarae i Gymru oedd yn erbyn De Affrica yn 2017

Mae'n bosib fod Rhys Webb wedi chwarae ei gêm olaf dros Toulon yn Ffrainc wedi i berchennog y clwb ei gyhuddo o "agwedd anonest" dros ei symudiad yn ôl i Gymru.

Bydd mewnwr Cymru a'r Llewod yn dychwelyd i'r Gweilch y tymor nesaf wedi iddo gael ei rhyddhau o'i gytundeb gyda Toulon flwyddyn yn gynnar am resymau teuluol.

Yna ddydd Gwener fe gafodd ganiatâd arbennig i fod ar gael i chwarae i Gymru unwaith eto ym mhencampwriaeth y Chwe Gwlad 2020.

Cyn hynny, nid oedd yn gymwys i gynrychioli'i wlad oherwydd rheol Undeb Rygbi Cymru am ddewis chwaraewyr oedd yn chwarae y tu allan i Gymru.

Y tro diwethaf i Webb wisgo crys coch Cymru oedd yn erbyn De Affrica yn 2017 pan gafodd y rheol ei chyflwyno gyntaf.

Wrth siarad ar orsaf radio Sud Radio yn Ffrainc, dywedodd Bernard Lemaitre: "Mae ei deulu yng Nghymru...mae'n anodd iddo.

"Fe wnaethon ni roi digonedd o amser iddo fynd yn ôl i'w gweld. Gofynnodd Rhys i ni ei ryddhau o flwyddyn olaf ei gytundeb, ac fe wnaethon ni gytuno.

"Ond yn sydyn fe glywon ni ei fod eisoes wedi arwyddo i'r Gweilch a bod ei asiant eisoes wedi trafod gydag Undeb Rygbi Cymru fel ei fod ar gael. Mae'n agwedd anonest.

"Mae'n mynd â ni i sefyllfa lle dwi'n credu na fydd Rhys Webb yn chwarae eto mewn crys Toulon."

Ni chafodd Webb ei gynnwys yng ngharfan Toulon ar gyfer eu gêm yn erbyn Castres dros y penwythnos, a gwrthododd y prif hyfforddwr Patrice Collazo ateb cwestiynau amdano wedi'r gêm.

Straeon perthnasol