/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Ysbyty Treforys yn atal ymwelwyr yn sgil cynyndd mewn afiechydon

Morriston HospitalGetty Images

Mae ymwelwyr wedi eu hatal rhag mynd i Ysbyty Treforys yn Abertawe wrth i nifer yr heintiau barhau i gynyddu yno.

Mae saith ward ynghau oherwydd heintiau sydd wedi eu hachosi gan norofeirws, Covid-19, ffliw a C. diff.

Dywedodd Bwrdd Iechyd Bae Abertawe bod ymweliadau wedi'u gwahardd o 08:00 ddydd Mercher, a does dim awgrym am ba hyd y bydd y gwaharddiad mewn grym.

Dim ond gofalwyr neu'r rhai sy'n ymweld â chleifion ar ddiwedd eu hoes sy'n cael mynediad i'r ysbyty.

Mae cleifion sy'n amau bod ganddyn nhw norofeirws wedi cael cais i gadw draw o adran achosion brys yr ysbyty.

Mewn datganiad, dywedodd y bwrdd iechyd: "Bydd ymweld â'r ysbyty yn ei chael ei gyfyngu i 'ymweld â phwrpas'."

Ychwanegon nhw: "Mae hawl gan rieni i ymweld â'u plant, ond gofynnwn i hyn gael ei gyfyngu i un rhiant ar y tro."

Mae'r datganiad hefyd yn nodi y gall norofeirws "fod yn fwy difrifol" i gleifion bregus yr ysbyty.

Pynciau cysylltiedig

Straeon perthnasol