/** * https://gist.github.com/samthor/64b114e4a4f539915a95b91ffd340acc */ (function() { var check = document.createElement('script'); if (!('noModule' in check) && 'onbeforeload' in check) { var = false; document.addEventListener('beforeload', function(e) { if (e.target === check) { = true; } else if (!e.target.hasAttribute('nomodule') || !) { return; } e.preventDefault(); }, true); check.type = 'module'; check.src = '.'; document.head.appendChild(check); check.remove(); } }());

Pro 14: Gleision 23-26 Gweilch

Owen WatkinHuw Evans Agency

Mae'r Gweilch wedi cadarnhau eu lle yn y gemau ail-gyfle ar gyfer lle yng Nghwpan Pencampwyr Ewrop wedi buddugoliaeth o 26-23 yn erbyn y Gleision.

Gorffennodd y Gweilch yn bedwerydd yn Adran A cynghrair y Pro 14 diolch i gic gosb hwyr gan Sam Davies.

Fe sgoriodd Gareth Anscombe 18 pwynt i'r Gleision yn erbyn y tîm y bydd yn ymuno â nhw'r tymor nesaf.

Anscombe sgoriodd cais cynta'r gêm wrth iddo orffen symudiad ardderchog wedi chwarae taclus gan Owen Lane a Lloyd Williams.

Ond fe wnaeth cais gan Cory Allen ychwanegu at giciau cosb Davies i roi'r Gweilch ar y blaen o 16-13 ar hanner amser.

Gareth Anscombe ac Alun Wyn JonesHuw Evans Agency

Fe sgoriodd Gareth Anscombe 18 pwynt i'r Gleision

Cafodd mantais y Gweilch ei ymestyn i ddeg pwynt diolch i gais gan y prop Nicky Davies, cyn i Allen dderbyn cerdyn melyn am daro'r bêl ymlaen yn fwriadol.

Fe fanteisiodd y Gleision ar y penderfyniad hwnnw yn syth, wrth i Josh Turnbull wneud y mwyaf o ddryswch yn amddiffyn y Gweilch.

Roedd cicio Anscombe yn berffaith drwy'r gêm tan iddo fethu'r cyfle i roi Gleision Caerdydd ar y blaen gyda chic gosb ychydig funudau cyn y chwiban olaf.

Fe lwyddodd Davies i sgorio'r gic gosb holl bwysig yn y munud olaf er mwyn selio'r fuddugoliaeth i'r Gweilch.

Straeon perthnasol